Rekordår for veterinærklinikk
Nebb og Klør-klinikken i Skodje har dobla omsetninga på to år.
Veterinærklinikken Nebb og Klør ved Skodje fekk eit rekordår i 2020 med ei auke i omsetninga på drygt 40 prosent frå året før.
Ifølgje årsrekneskapen blei omsetninga 2,3 millionar kroner (sjå tabell under). I 2019 før var inntektene på 1,6 millionar, medan den var på drygt 1,1 million året før.
| Veterinærklinikken Nebb og Klør AS | ||
| Årsresultat (i mill kr) | ||
| 2020 | 2019 | |
| Driftsinntekter | 2,3 | 1,6 |
| Driftsresultat | 0,3 | 0,2 |
| Res. før skatt | 0,3 | 0,1 |
Også lønnsemda blei god i fjor med ein driftsmargin på drygt ti prosent.
Selskapet er eigd av styreleiar Sherryl Lynn Spencer og hadde to årsverk ved utløpet av året. Dagleg leiar for veterinærklinikken er Vicky-Lynn Spencer Brastad.
Sistnemnte er også dagleg leiar i det nystarta Purrelia Kattepensjonat. Også her er Sherryl Lynn Spencer med på eigarsida saman med Chris-André Spencer og Dag Henning Loe Olsen i selskapet Sos Finans.
Publisert: 22.03.2021 05:55
Sist oppdatert: 21.03.2021 23:36