Sette førarkortet på vent

- Den såkalla dyrtida slo verkeleg til i Ålesund, seier køyreskuleeigar Kjell Erik Rotevatn om 2023.

Han er 90 prosent eigar i to køyreskular, Skråbrevik Aut Trafikkskole i Ålesund og Rotevatn Trafikkskule i Volda. Resten av aksjane er eigd av John Karl Rotevatn, grunnleggar av firmaet og far til Kjell Erik.

Nedgang i Ålesund
For Skårbrevik Aut Trafikkskole vart det ein nedgang i driftsinntektene fra 8,4 til 6,8 millionar kroner (sjå tabell), medan Rotevatn Trafikkskule enda med same inntekt i 2023 som i 2022.

Rotevatn si vurdering er at den økonomiske utviklinga gjorde at komande sjåførar i Ålesundområdet valde å vente med å ta sertifikat i fjor. Det er er utsetjing, ikkje ein varig nedgang, slik han ser det.

- Vi ser allereie no at første kvartal i 2024 er vesentleg betre enn første kvartal i 2023, seier Rotevatn.

14 tilsette
Tilsaman har Rotevatn sine to trafikkskular 14 tilsette, 10 av dei køyrelærarar.

Rotevatn Trafikkskule har avdeling både i Volda og Ulstein for å fange opp marknaden i heile søre Sunnmøre medan Skårbrevik Aut Trafikkskule dekkjer Ålesundområdet.