Russisk kapital bak ny smoltproduksjon

Komande måndag vil produksjonen på nytt starte opp ved smoltanlegget på Moltustranda. Då kjem det 800.000 setjefisk som skal alast opp til smolt, skiv lokalavisa Vestlandsnytt.
Totalt vil det vere fem tilsette ved starten.
Det var Intrafish som først skreiv om salet av Øyralaks til det russiske selskapet, men det har vore forvirring rundt kven som var den faktiske eigaren.

Putin-ven

Ifølgje er det Moskva-baserte selskapet Russian Aquaculture eigd av Frank Gleb og Maksim Vorobyov, to forretningsmenn tilknytta Putin-ven og finansmann Gennady Timchenko og Moskvas guvernør Andrey Vorobyov. Sistnemnde er bror av administrerende direktør Maksim Vorobyov.
I 2016 produserte Russian Aquaculture 5.300 tonn laks på sine oppdrettslokalitetar på Kola-halvøya, og selskapet omsette for rundt 150 millionar kroner.
Til Vestlandsnytt stadfestar dagleg leiar Magnus Lillestøl at opplysningane til Intrafish stemmer.
- Øyralaks skal drivast av lokale folk, men det blir russiske eigarar, seier han.

Fem millionar smolt

Det var Lillestøl-familien på Moltu som starta Øyralaks i 1986.
Selskapet vart først seld til Pan Fish, deretter til Villa Organic, før Salmar overtok i 2013.
Anlegget på Moltu har konsesjon på produksjon av fem millionar smolt.
Les her: