Salmon Evolution hentar halv milliard

Lakseoppdrettselskapet Salmon Evolution har allereie sikra seg over halvparten av pengane i kapitalutvidinga som skal gjennomførast denne veka.
Fredag 4. september klokka 12 er fristen Salmon Evolution i utgangspunktet har sett for investorar som vil vere med på satsinga på landbasert oppdrett i eit nedlagt steinbrot i sjøkanten i Hustadvika.
Selskapet gjennomførte ei kapitalinnhentinga tidlegare i år. Då blei det henta inn 258 millionar kroner i ny eigenkapital. No skal det hentast inn 500 millionar kroner til, og planen er å hente inn ytterlegare 450 millionar kroner i ei kapitalutviding neste år.

Prisen for å vere med i denne omgang er fem kroner per aksje, som prisar selskapet til 600 millionar kroner.

1,3 milliardar

Pengane i emisjonen tidlegare i år, frå den som pågår no og frå den som skal gjerast neste år, skal gå til å finansiere første byggetrinn av det landbaserte oppdrettsanlegget.
Første byggetrinn er berekna til å koste 1,3 milliardar kroner.
Målet er å slakte første fisk frå anlegget i slutten av 2022.

Har 261 millionar kroner klare

Blant dei som gjekk inn i selskapet i vår var Roger Halsebakks selskap Ronja Capital, der styreleiar Tore Tønseth i Salmon Evolution er investeringsdirektør.

Eksisterande aksjonærar i Salmon Evolution går inn med 91 millionar kroner i kapitalutvidinga no. Dessutan har DNB Asset Management (110 millionar kroner), Klaveness Marine Finance (30 millionar kroner) og selskap kontrollert av Fredrik Cappelen, Carl Erik Krefting og Preben Rasch-Olsen (30 millionar kroner) også teikna seg og fått aksjar,
Dermed gjenstår det å få inn 239 millionar kroner frå andre investorar.

750 millionar kroner til

Når kapitalutvidinga neste år er gjennomført er planen å hente inn ytterlegare 750 millionar kroner, seier Tønseth. Det skal vere med på å finansiere bygginga av resten av anlegget, som skal kunne produsere heilt ferdig vil det produsere nesten 31 tusen tonn sløyd laks i året.
Då tidlegare dagleg leiar Odd Tore Finnøy presenterte planane til Salmon Evolution i Shippingklubben i Ålesund tidlegare i år sa han at selskapet kan bygget enda meir i Fræna og minst doble produksjonen frå 31 tusen tonn. Og det skal ikkje stoppe der. Det er fleire stadar langs kysten som egnar seg for landbaserte oppdrettsanlegg, i følgje Finnøy.
Målet er å kome opp i 100 tusen tonn sløyd laks i året, seier han. Det utgjer nesten åtte prosent av den norske oppdrettsproduksjonen av laks og aure.

Gigantoppdrag for Artec Aqua

Det er Ålesund-selskapet Artec Aqua som skal prosjektere anlegg og bygging.
Til saman sikrar anlegget inntekter for Artec Aqua for ein plass mellom 1,2 og 1,3 milliardar kroner. Det er i særklasse det største oppdraget selskapet nokon gong har fått og selskapet har også opsjon seinare byggetrinn
– Det er ein merkedag, sa Artec Aqua-direktør Ingegjerd Eidsvik då Salmon Evolution markerte byggestart i mai i år.