Salsgevinst dobla Sølvtrans-overskot

Salet av to eldre brønnbåtar, Ronja Polaris og Ronja Viking, gav brønnbåtreiarlaget Sølvtrans Rederi ein gevinst på 304 millionar kroner i fjor. Det er ein del av forklaring på både inntektsveksten og auka overskot for reiarlaget i 2024.

Sølvtrans Rederi i Ålesund er det klart største selskapet i Sølvtrans-konsernet, som per i dag har ein flåte på over 409 fartøy, medrekna skip under bygging.

Morselskapet i konsernet er selskapet Astrix Topco 1, som ikkje har offentleggjort rekneskapen for 2024 enno. I 2023 hadde konsernet 2,2 milliardar kroner i driftsinntekt og 21,2 millionar kroner i resultat før skatt.

Brønnbåtar blir blir brukt til flytting av oppdrettsfisk mellom anlegg, frå anlegg til slakteri og ved avlusningsoperasjonar. 

Optimistisk
Sølvtrans-konsernet er like optimistisk som det var då 2023-tala var klare:

– Framtidsutsiktene er positive spesielt for større og effektive båtar med lukka system. Styret ventar vidare etterspørseln etter brønnbåttenester vil halde fram med å auke på grunn av vekst for oppdrettsnæringa, at fisken skal fraktast over lengre avstandar, nye og ekstra oppgaver for brønnbåtar, regelendringar og reguleringsendringar, skriver styret i Sølvtrans Rederi.

Vurderer sal
Sølvtrans-konsernet har tidlegare vore børsnotert og har no sitt andre internasjonale investeringsfond som majoritetseigar. 

I år kan det vere duka for nok eit skifte på eigarsida. 

Selskapet og eigarane er i gang med å lodde interessa hos eventuelle kjøparar.

– At vi sonderer, det er greit å seie, sa styreleiar Roger Halsebakk i Sølvtrans til Nett No i førre veke om kva som er status per i dag.

Roger Halsebakk og familien eig 15 prosent i Sølvtrans-konsernet gjennom investeringsselskapet Ronja Captial. Mangeårige partar Anders Hvide og familien hans eig 2,315 prosent gjennom selskapet Tucan Holding.  Resten av aksjane er det eit Antin Infrastructure Partners-fond som eig.