Samlar alle tilsette til jubileumsfest

Noregs største møbelprodusent inviterer til fest både i Sykkylven og på Fetsund i helga.

Over 640 tilsette frå fabrikkane i Sykkylven og på Grodås kjem til storhallen i Sykkylven laurdag kveld, der konsernsjef Tine Leopold Hammernes opnar festen og komikar Terje Sporsheim er konferansier og underhaldar. Maten står kokk Sander Øen Omberg frå Stryn for og musikk til dansen blir levert av Sykkylven-bandet Skabelon.

Samstundes med festen i Sykkylven er Ekornes sine tilsette ved madrassfabrikken i Fetsund samla til fest i Nova Spektrum i Lillestrøm.

Fleire arrangement
Festane i Sykkylven og i Lillestrøm er den tredje større markeringa av 90-årsjubileet i år.

Tidlegare i har selskapet samla 170 pensjonistar til lunsj i hovudfabrikken i Sykkylven, og rundt 100 barn til open dag på selskapet sin brannstasjon.

Snuoperasjon
Som resten av norsk møbelindustri fekk Ekornes-konsernet ein kraftig vekst i etterspørselen under koronapandemine, og ein nedtur etterpå, med permitteringar og nedbemanningar for å kutte kostnadar.

Resultatet er betra, og i andre kvartal i år var underskotet redusert til 1,6 millionar kroner.

Konsernsjef Tine Hammernes Leopold fortalde til Nett No i sommar korleis konsernet skal både auke lønsemda og salet.

Blant anna skal det produserast færre modellar , organisasjonen skal samordnast betre og det blir satsa meir på marknadsføring.