Satsar 12 millionar på klippfisk-automatisering

Fiskeri- og havbruksnæringens forskningsfond (FHF) skal bruke 12 millionar kroner for å utvikle teknologi og metodar for at norsk klippfiskindustri kan lage lønsame forbrukarklare klippfiskprodukt.
FHF bestemte seg for satsinga tidlegare i år, og no er FHF i ferd med å rekruttere utstyrsbedrifter og andre som kan gi den norske klippfiskindustrien det løftet den er ut etter.
Satsinga blir presentert av administrerande direktør Inger-Marie Sperre i Brødrene Sperre og fagsjef Lorena Gallart Jornet i FHF på FHF og Sjømat Norge sitt klippfiskseminar i Ålesund i dag.

To-års prosjekt

Inger-Marie Sperre seier ho reknar med at det vil ta minst ta to år å utvikle teknologi og metodar som gjer norske klippfiskindustri konkurransedyktig også når det gjeld å produsere forbrukarklare klippfiskprodukt.
Gallart Jornet seier nesten all klippfisk fra Norge blir eksportert som heil fisk. Målet er å kunne eksportere meir oppdelte produkt, også i utvatna form, ferdig pakka i forbrukarpakninger.

Taper terreng

Klippfiskindustrien fryktar å tape terreng om den ikke automatiserer. Det går fram av utlysinga av pengane FHF har sette av til å utvikle ny teknologi og nye metodar.
Produksjonsmetodane i norsk industri er framleis som på 1960-1979-talet, med fleire tunge operasjonar.
Samstundes vinn meir bearbeidde produkt terreng hos kundane og om ikkje norsk industri automatiserer vil den tape i konkurransen med bedrifter som ligg i lågkostnadsland, i følgje utlysninga.

Utsette søknadsfrist

Null respons frå utstyrsleverandørar på utlysninga midlar gjorde at FHF har utsett fristen for å søke, til 17. september.
- Skuffande, seier Inger-Marie Sperre og responsen. No vil ho at klippfiskeprodusentene tek skeia i eiga hand.
Ho foreslår at klippfisk-industribedrifter skal gå saman om å bygge ei pilotline, og saman levere konkrete bestillingar til leverandørbedrifter om kva dei vil ha utvikla.