Sel færre nye bustader i Møre og Romsdal

Møre og Romsdal skil seg framleis frå resten av landet i marknaden for nye bustader, viser nye tal frå Boligprodusentenes Forening torsdag.
Det er selt 36 prosent færre nye bustader første halvår i år i Møre og Romdal, samanlikna med fjoråret. For heile landet er nedgangen på 22 prosent første halvår.
Samtidig er det sett i gong bygging av 50 prosent fleire nye bustadar i fylket første halvår. Tilsvarande tal for heile landet er ein nedgang på 15 prosent.
Einar Holsvik i Norhus Ørsta i mai at han trudde rekordbra sal i februar, kan vere ein årsak til utviklinga.

Les også:

Fryktar forsterka skilnader

Boligprodusentenes Foreining mener låg bustadbygging på landsbasis har vore med å presse opp prisane på brukte bustader.
Dei er uroa for at det forsterkar skilnader på bustadmarknaden, mellom dei som eig bustad, og dei som ikkje gjer det.
– Får denne utviklinga helde fram, vil det år for år skape sosiale utfordringar som vil belaste kommunane i aukande grad, heiter det i ei pressemelding.

Etterlyser politiske grep

Bransjeorganisasjonen meiner det må takast grep politisk for å sikre at det blir regulert nok nye bustadar. Dei meiner formålsparagrafen i plan- og bygningslova, som seier at ein skal fremme ei utvikling til beste for «den enkelte, samfunnet og framtidige generasjonar», systematisk blir brote.
– Det er på høg tid at bustadforsyning settast på den politiske dagsorden for å sikre nødvendig og berekraftig utvikling, uttalar administrerande direktør Per Jæger i meldinga.
Dei åtvarar mot å stramme inn bustadlånforskrifta og meiner andre verkemiddel må takast i brukt for å sikre nok bustadar.

Les også: