Siktar mot milliardomsetning frå torskeoppdrett

Alle seks anlegga til torskeoppdrettselskapet Ode er no i full drift, og i år ventar selskapet å levere 11.000 tonn torsk til kundane og få ei omsetning opp mot ein milliard kroner. 

Det fortel selskapet i ei pressemelding.

I fjor hadde Ode-konsernet 401 millionar kroner i driftsinntekt (sjå tabell under).

To anlegg til
I tillegg til dei seks anlegga Ode har i drift, har dei fått godkjent ytterlegare to anlegg. Dei to er venta å få fisk i anlegga i 2026 eller 2027, ifølgje Falk D. Øveraas. Han er samfunns- og styresmaktkontakt i konsernet.

Ola Kvalheim og Tor Olav Seim eig til saman knappe 16 prosent av Ode.-konsernet. Resten er eigd av den belgiske De Clercq-familien, som har vore medinvestor sidan starten.

Hovudkontoret ligg i Ålesund, slakteriet på Vartdal og anlegga på Nordvestlandt.

Per i dag har Ode omlag 200 tilsette, følgje Øveraas.

Auka innsatsen i eksportmarknaden
For å utvide marknaden og vinne innpass hos fleire har Ode tilsett  Anders Tofte Wilhelmsen som ny kommersiell direktør fortel selskapet i pressemeldinga. 

Han har mellom anna vore  konserndirektør for markedsføring i Cermaq og kjem til Ode frå ei leiarstilling i sjømatselskapet Milarex, som har foredlingsanlegg i Polen. 

Tofte Wilhelmsen skal ha ansvaret for både sal, logistikk og marknadsføringsarbeidet til Ode. 

Det omfattar også produktutvikling, der Ode skal tilby meir vidareforedla produkt og styrke merkevarebygginga.