Siste sjans for koronakompensasjon

NPK-NTB: Føretak som har hatt betydeleg omsetningsfall i august, kan no søkje om tilskot frå kompensasjonsordninga for næringslivet. August er siste søknadsmånad.
Nettportalen for kompensasjonsordninga for næringslivet opna for fem månader sidan, og ordninga har fram til no behandla søknader om tilskot for månadene mars, april, mai, juni og juli.

Siste frist

No er portalen opna for søknader for august, og dette er den siste søknadsmånaden av ordninga.
– Søknadsskjema og meir informasjon finst på , seier konstituert skattedirektør Eve Vangsnes Bergli i ei pressemelding.

5,6 milliardar

Søknadsfristen for juni, juli og august er 31. oktober, medan fristen for mars, april og mai var 31. juli.
Omtrent 68.000 søknader om tilskot har vorte innvilga sidan kompensasjonsordninga opna i april, og Skatteetaten har så langt utbetalt om lag 5,6 milliardar kroner i tilskot.