For første gang på to år samlar Ungt Entreprenøskap ungdomsbedriftene i vidaregåande skule i Møre og Romsdal fysisk, til fylkesmeisterskap.

Seinast innan 2024 skal deltakinga vere større enn nokon gong, spår arrangøren.

Vinnarane i ti ulike kategoriar skal kårast i fylkesfinalen i NMK-bygget i Ålesund i morgon, onsdag 16. mars. Samanlagtvinnaren og vinnarane i kategoriane berekraft og innovasjon får i tillegg delta i NM for Ungdomsbedrifter seinare i år.

Les kven som er deltakarar og jurymedlemar her

Startar eigne bedrifter
Ungt Entreprenørskap er ein landsomfattande organisasjon for å lære elevar og studentar om innovasjon og å etablere og drive bedrifter.

Elevane og studentane får opprette eigen bedrifter, som langt på veg er likestilte med vanlege aksjeselskap, som dei kan drive i programperioden. For elevar i vidaregåande skular blir bedriftene kalla ungdomsskulebedrifter, for ungdomsskuleelever elevbedrifter og for studentar studentbedrifter.

Vekst
Dagleg leiar Øyvind Baltzersen i Ungt Entreprenørskap Møre og Romsdal seier stadig fleire lærarar tek kontakt for å vere med i Ungdomsbedriftprogrammet.

To år med koronapandemi og smitteverntiltak med avgrensa høve til å møtes fysisk har redusert deltakinga i programmet, men det er berre ein mellombels nedtur. Alt neste år kjem deltakinga til å vere større enn i år, og seinast i 2024 skal deltakinga vere større enn nokon gong, ventar Baltzersen.

Fem vinnarar
Vinnarane i fem kategoriar i fylkesmeisterskapen er allereie kåra, i etter ei nettbasert juryering.

Her er vinnarane:

Beste videopitch: PEGlock UB - Spjelkavik vgs.
Beste marknadsføring: Navaria UB - Romsdal vgs.
Beste forretningsplan/-modell: Dignity UB - Romsdal vgs.
Beste reknskap: 180° UB - Romsdal vgs.
Beste logo: Whiteout - Spjelkavik vgs.

Klikk her for å lese meir om dei fem første vinnarane og juryen si vurdering