Skal byggje ein nullutsleppstrålar

Reiarlaget Granit Halstensen har i dag, fredag, offentleggjort kontrakten på selskapet sin nye supertrålar Granit.
Med sine 81,20 meter lengde og 16,60 breidde vert nye Granit norges største kvitfisktrålar.
Dette opplyser Skipsteknisk i ei pressemelding.
- Dette er første nybygget Skipsteknisk gjer for Halstensen-gruppa.
- Heile staben ser det som ei stor anerkjenning, fastslår selskapet.

Moderne fabrikk

Båten får ein hypermoderne fabrikk der all fangsten skal takast vare på i form av høgverdige produkt som filet og som hovudkappa/sløygd, eller i form av mjøl, olje eller velling.
Skipsteknisk opplyser at nye Granit vert eit nullutsleppsskip, der all fangst skal takast vare på og foredlast til kvalitetsprodukt.

Norsk utstyr

Sjølv om Tersan er valgt som byggjeverft, vil ei rekkje norske utstyrsleverandørar stå for mykje av utrustninga av skipet.
- Norske leveransen representerer meir enn 50 % av skipet sin totale byggjekostnad, opplyser Skipsteknisk.
Båten skal vere ferdig frå Tersan-verftet våren 2017, eit verft som siste åra har bygt ei lang rekkje norske fiskefartøy, dei fleste med Skipsteknisk-design.