Skal jobbe helg og ferie

Møbelprodusenten permitterte store deler at arbeidstokken då koronepidemien kom, men kunne alt i slutten av mai melde om eit kraftig oppsving i salet, spesielt i Norden og Tyskland.
Alt då blei det varsla at det kunne bli vurdert å endre på ferieavviklinga for å forsyne kundane med møblane dei hadde kjøpt.

No er det klart at det blir produksjon i ferien, og i helgar i tillegg.

Norden, Tyskland og Asia

Det er marknadar i Norden, Tyskland og deler av Asia - der smitteverntiltak er letta på - som gir veksten, i følgje børsmeldinga.
Det er på Ekornes sine fabrikkar i Sykkylven, Grodås og Fet det skal arbeidast i helgar og ferie. I Sykkylven og på Grodås blir det laga Stressless-møblar , på Fet Svane-madrasser. På fabrikken i Litauen er produksjonskapasiteten auka og det blir planlagt auke også på fabrikkane i Asia. Fabrikkane i Asia lagar IMG-møblar.

Framleis på etterskot

Trass oppsvinget i mai og juni ligg Ekornes framleis på etterskot samanlikna med salet selskapet venta før koronakrisa kom.
2020-resultatet kjem til å bli "vesentleg påverka" av koronakrisa, i følgje børsmelding. Først i 4. kvartal i år ventar selskapet ein meir normalisert situasjon.