Skal selje Bondalseidet med rabatt

Banken fekk hyttetomter på begge sider av riksvegen på Bondalseidet i fanget då Bondalseidet Hytteutvikling gjekk konkurs i fjor haust.
No vil banken gjere som den gjorde med suksess på Standalseidet, etter konkursen i Standal Alpesenter i 2016, seier administrerande direktør Stig Brautaset. Det betyr sal med rundt 40 prosent rabatt, i følgje Brautaset.

Tapte på Kvivsvegen

Bondalseidet Hytteutvikling har berre seld eit fåtal hytter etter finanskrisa i 2008.
Salet starta i 2004/2005, men stoppa opp då finanskrisa kom. Då den var over var Kvisvegen opna, og kundar frå ytre søre Sunnmøre hadde brått fått kort tilgang til hyttefelt i Hornindal og Stryn.

Investerte først

Selskapet opplyste i oktober i fjor at feltet ved skitrekket på Bondalseidet har minst 15 ledige tomter, medan feltet på motsett side av riksvegen har 15-20 ledige tomter.
Bondalseidet hadde 9,1 millionar kroner i gjeld ved konkursen. Gjelda skriv seg i hovudsak frå at det blei gjort store investeringar å bygge ut infrastruktur i hyttefeltet heilt i starten.