Skal ut i spoten for norske oppdrettarar

- Dette slår positivt ut for Rostein og bidreg til vår ekspansjon i landet.
Det skriv visedirektør Glenn Bradley i Rostein-reiarlaget i ein sms til NETT NO.
Bakgrunnen er at selskapet har overtatt Ro Venture, sin brønnbåt nummer 16.
- Dei siste sju fartøya er bygde ved Larsnes Mek. Verksted, og vi har endå ein båt som skal utrustast der og leverast neste år, skriv Bradley.

Siste heilnorske

Han opplyser at Ro Venture skal ut i spotmarknaden og supplere kapasiteten selskapet har på ulike avtalar.
- Vi er det siste brønnbåtselskapet av betydning i Norge som er i heilnorsk eigarskap.
- Alle båtane er designa og bygde i Norge, og er stappa med norsk utstyr.

Levert på rekordtid

Larsnes Mek. Verksted opplyser på sin Facebook-side at Ro Venture er søsterskip til Ro Vision, som er nominert til Ship of the Year 2020, og Ro Venture vert dermed den andre hybride brønnbåten i verda.
Begge båtene er utstyrte med batteripakke frå Siemens, tre sett dieselgeneratorar frå Yanmar og har SCR anlegg for NOX-reinsing fra Emigreen montert om bord.
Verftet opplyser at båten er utrusta på 4,5 månader, som vert omtala som rekordtid.
- Vi leverte Ro Vision i slutten av mars og med tanke på tida vi har vore inne i med utfordringane rundt Covid-19 situasjonen, har våre eigne tilsette og våre underleverandørar gjort ein formidabel innsats i denne spesielle perioden, der vi har hatt tilnærma full drift.
Designet er det Skipskompetanse i Måløy som har stått bak.