Skjerma mot korona

Det er koronaepidemien og tiltaka mot den som er grunnen til trafikknedgangen. Meir heimekontor gir færre reisande.

For Fjord1 har trafikknedgangen avgrensa direkte betydning:

"fleirtalet av kontraktane til Fjord1 baserte på kapasitet og tal på avgangar snarare enn passasjertal, og dette gjer at inntektene i ferjesegmentet i stor grad er skjerma mot endringar i trafikkvolum på kontraktane", skriv selskapet i kvartalsrapporten for 1. kvartal 2021.

Også avtalane om drift av hurtigbåtar skjermar Fjord1 mot passasjernedgang.

Mindre trafikk og koronatiltak har først og fremst gått ut over salet av mat og drikke ombord. Samanlikna med 1. kvartal 2020 har Fjord1 ikkje lenger avtalen om å trafikkere Molde-Vestnes, og til saman er dette hovudårsaka til fallet i driftsinntekter (sjå tabell).

Les børsmelding her

I pluss
Både finanskostnadane og driftskostnadane går ned, og det gjer at Fjord1 går i pluss i første kvartal i år. I første kvartal 2020 var det minusresultat.

Det er billegare å drive elferjer enn dieselferjer, og selskapet tener meir dess raskare bygging av infrastruktur for straumforsyning og lading for sambanda blir ferdig.

"Driftskostnadene fall med 13 prosent til 478 millionar kroner i første kvartal, og den lågare kostnadsprosenten reflekterer lågare driftskostnader i dei nye kontraktane. Kostnadsutviklinga framover vil avhenge av når elektrifiseringsprosjekta vert ferdige, og av oppstart av dei siste
heilelektriske rutene. Når desse prosjekta er ferdige, forventar selskapet at kostnadene stabiliserer seg på eit lågare nivå.", skriv selskapet i kvartalsrapporten for 1. kvartal.

Reduserer gjeld
Fjord1 har ein avtale om å få att pengar som selskapet har forskottert til bygging av infrastruktur for lading av ferjene.

Saman med betra lønsemd og reduserter investeringar gjer det at selskapet redusere den nettor renteberande gjelda gjennom 2021.

Ved utgangen av 1. kvartal 2021 var netto renteberande gjeld 5,4 milliardar kroner, 448 millionar kroner mindre enn ved utgangen av 1. kvartal 2020.