Skriv ned flåten med over ein halv milliard

Heilt i starten av koronakrisa fekk Havila Shipping refinansieringa av selskapet på plass etter tidkrevande forhandlingar.
No viser reknskapen at andre kvartal blei tøft for selskapet, og at marknaden utvikla seg så negativ at selskapet skriv ned verdien av flåten med 521 millionar kroner.
"Det sterke fallet i oljepris og utbruddet av Covid-19 viruset i første kvartal har redusert aktiviteten i markedet hvor fartøyene opereres. Redusert etterspørsel etter fartøy påvirker selskapet negativt og det er foretatt en revurdering av markedsutsiktene som har medført nedskrivning av verdien for de fleste fartøy.", skriv selskapet i ei børsmelding.

Held på kontrollen

I refinansieringsavtalen det blei semje om i vår går Havila Holding inn med eit konvertibelt likviditetslån på 100 millionar kroner.
Lånet kan eller skal konverterast til aksjar for å oppretthalde Sævikfamiliens eigarskap i selskapet.
Havila Holding eig i dag 50,96 prosent av Havila Shipping.

Deler gjelda

Refinansieringa inneber og at gjelda til selskapet blei delt inn i to transjer, der den eine på 3,1 milliardar kroner er renteberande og den andre på 1,1 milliardar kroner ikkje er renteberende.
Rente- og avdragsbetaling for skipa vert knytt opp til innteninga. Dersom eit skip ikkje har tilstrekkeleg inntening til å betene gjelda, så vert dette overført til gjelda som ikkje er renteberande.
Trass nedskriving av skipsverdiane, og den dårlege marknaden i 2. kvartal, er selskapet sikra pusterom framover:
"Avtalen om restrukturering av selskapets gjeld ble gjennomført 30.06.20 og avklarer selskapets forpliktelser overfor långiverne for perioden ut 2024. Beregnet effekt av avtalene medfører at bokført egenkapital er positiv ved utgangen av 2. kvartal.", heiter dei i kvartalsrapporten.