Krovel 60 FOTO KROVEL
SLIK SKULLE DEN BLI: Stor nok til å bu i, liten nok til at eigaren kunne styre den sjølv. Slik var planen Krovel Yachts hadde på teiknebrettet. Illustrasjon: Krovel Yachts
Nytt

Slutt for yacht-satsing

Krovel Yachts håpte å ha båt på sjøen i 2018. No blir det avvikling.

02.03.2026

Innan to år håpte Erika Krøvel og Knut Steinnes å sjøsette sin første yacht skreiv Nett No i slutten av 2016.

Draumen var skape ei internasjonal merkevare med 60-100 fots yachtar, i ein nisje der mellom andre Grand Banks Yachts og Fleming Yachts er konkurrentane. Gjennom selskapet Krovel Yachts i Hovedbygda i Ørsta hadde dei utvikla ein serie modellar som skulle byggjast i aluminium, hos eit nederlandsk selskap.,  

Den minste modellen, på 60 fot, var planlagt for seks personar, med tre dobbeltlugarar. Den hadde ei prisantydning på omlag 30 millionar kroner .

Ingen inntekter
Krovel Yachts kom aldri dit at det fekk inntekter.

I 2025-årsmeldinga fortel selskapet at det "er vedtatt avviklet nå i 2026".

Nett No har ikkje lukkast å få ein kommentar frå styreleiar Knut Steinnes.

Fleire eigarar
Krovel Yachts er eigd av selslapet Godt Lag, som i følgje databasen proff.no i sin tur er eigd av selskapa Steinnes & Krøvel (51,9 prosent) og Krysse (48,1 prosent).

Erika Krøvel og Knut Steines eig 47,5 prosent kvar i Krøvel & Steinnes, medan Arnfinn Velle eig resten. Krysse er eigd av Arild, Morten og Jøregen Bakke i Oslo, gjennom eigen selskap.

Rufo-eigar
Den viktigaste investeringa til Godt Lag er eigarskapet i transportkasse-leverandøren Rufo i Hovedbygda, som leverer til kunder som spenner frå musikkbransjen til oljebransjen.

I 2024 hadde Rufo rekordhøge 29 millionar kroner i driftsinntekt og eit overskot på 0,1 millionar kroner. 

Krovel Yachts as  
Tal i mill. kroner20252024
Driftsinntekt00
Driftsresultat-0,04-0,04
Resultat før skatt-0,04-0,04

Publisert: 02.03.2026 15:08

Sist oppdatert: 02.03.2026 15:08

Mer om