Sparebanken Møre hovedkontor Ålesund foto Losen Studio
ÅLESUND: Kvartalsrapporten frå Sparebanken Møre onsdag viser framleis vekst og betring i resultatet. Foto: Losen Studio
Nytt

Sparebanken mot straumen

Rekordhøg utlånsvekst førre kvartal. Vil bruke tid til å svare ut pålegg frå Finanstilsynet.

Marius Rosbach
14.08.2024

Sparebanken Møre sine tal for andre kvartal viser en utlånsvekst i personmarknaden på nær 1,5 milliardar kroner, den høgaste kvartalsveksten i bankens historie.

«Nasjonale tall viser at utlånsveksten er lav, og det er tøff konkurranse om kundene. Derfor er det gledelig at vi har en så sterk utlånsvekst både i person- og næringslivsmarkedet», uttaler banksjef Trond Nydal i ei pressemelding om tala.

Utviklinga gjer at banken auka resultatet i perioden, samanlikna med andre kvartal i fjor (sjå tabell under).

Banken har ein egenkapitalavkasting på 15,1 prosent, mot 13,6 i same periode i fjor.

Også regionen går mot straumen elles i landet og mange næringar på Nordvestlandet nyter godt av svak kronekurs.

Tal frå Norges Banks rapport «Regionalt nettverk» stadfestar at det ventast ein betre økonomisk utvikling på Nordvestlandet enn i dei fleste andre regionane i landet, heiter det i meldinga frå banken.

Nyleg fortalde Nett No at det overordna ser ganske positivt ut, etter at Sparebanken Møre hadde vurdert tilstanden til bransjane den har lånt ut pengar til.

I rapporten viser banken også til at dei har fått varsel om pålegg frå finanstilsynet om praksisen med bokføring av utbetalte gåver.

Sparebanken skriv at dei er usamde i vurderingane frå tilsynet, og at dei vil nytte tida til fristen 26. august til å ha ein gjennomgang og vurdering av grunnlaget for pålegget, heter det i børsmeldinga.

Sparebanken Møre
2. kvartal. i mill. kroner20242023
Inntekt608543
Resultat før tap359332
Resultat før skatt394335
Sparebanken Møre
Per 2. kvartal. i mill. kroner20242023
Inntekt1.1861.043
Resultat før tap709634
Resultat før skatt727604

Publisert: 14.08.2024 09:33

Sist oppdatert: 14.08.2024 09:45

Mer om