Sparebankstiftinga deler ut 80 millionar

Sparebankstiftinga Søre Sunnmøre styrkjer innsatsen for lokalsamfunnet og aukar gåveramma til 80 millionar kroner i 2026. Det blir opplyst i ei pressemelding torsdag. 

Pengane går til allmennyttige føremål innan områda idrett og friluftsliv, kultur, samfunn og sosialt arbeid, klima/nærmiljø, kompetanse og folkehelse.

Kapitalen stiftinga forvaltar har auka i verdi og passert tre milliardar kroner. Målet er at tre prosent av marknadsverdien av fondet skal delast ut til slike midlar. 

Årsresultatet for stiftinga i 2025 vart 92,8 millionar kroner, etter utdeling av 46,2 millionar kroner i gåver i løpet av året, blir det opplyst.