Startar nytt strikkeselskap

Møre og Romsdal fylkeskommune (38 prosent) og Ekorneskonsernet (9,5 prosent) sitt eigarskap i kompetansenteret Møbelkraft i Sykkylven, gjer det vanskeleg for senteret å få støtte frå det offentlege virkemiddelapparatet til satsinga på 3D-strikking.
Med dei to store aktørane på eigarsida fell strikkesenteret utanfor reglane som gir støtte til mindre foretak.
Saman med selskapet Amatec i Sykkylven har Møbelkraft stått i spissen for å bygge opp eit tilbod til bedrifter som vil ta i bruk ny strikketeknologi. Poenget er å finne ut om teknologien kan takast i bruk både av tradisjonell strikkeindustri og i heilt andre bransjar.

Utstyret på plass

Utstyret til strikkesenteret var på plass i fjor haust, og er tatt i bruk.

Men manglande tilgang på finansiering av utviklings- og kompetansebyggingsprosjekt har forseinka framdrifta, i følgje Lars Einar Riksheim i Amatec.

Lagar nytt selskap

For å tilpasse seg regelverket er det nettopp etablert eit heilt nytt selskap, 3D Knitting & Technology as.
Målet er å få inn ein aksjekapital på ein halv million kroner, fordelt på fleire aksjonærar.