Startar opp att til Gdansk i dag

I starten vil det vere fire flygingar i veka, opplyser lufthamnsjef Tor Hånde ved Ålesund lufthamn Vigra.
Gdansk-ruta er spesielt viktig for polske arbeidarar, ettersom mange brukar denne ruta til og frå Polen.

Kaunas i gang

Gdansk-ruta vart stoppa i mars, då det vart sett inn reiserestriksjonar for å stoppe koronaviruset.
Det same galdt ruta til Kaunas i Lithauen, men denne ruta vart starta opp att 1. juni, i første omgang med to avgangar i veka.
- At begge rutene no er i drift igjen, vil gjere det lettere både for arbeidsgivarar og arbeidstakarar, seier Hånde.