Inntektene til sport- og fritidskleprodusenten Skogstad fall ned til nivået frå 2020 i fjor.
Det famileieigde konsernet får plagga sine produserte i Kina og har hovudkontor og distribusjonssentral i Innvik i Stryn. Derifrå blir dei sendt ut til forhandlarar og 15 eigne butikkar. Dei eigne butikkane ligg frå Sandefjord og Stavanger i sør til Harstad i nord. Eksportandelen var under to prosent i fjor.
Koronapandemine blei inga ulempe for Skogstad, som kunne nyte godt av at nordmenn brukte meir pengar på sport- og fritidsplagg då smitteverntiltakt og reiserestriksjonar gjorde at færre brukte pengar på utanlandsferiar.
Frå 128 millionar kroner i driftsinntekt i 2019 auka driftsinntektene til 151 millionar kroner i 2020 og opp tilover 190 millionar i 2021 og 2022.
Snudde
I 2021 snudde marknaden (sjå tabell) og fallet held fram i fjor, der bransjen slit med lønsemda fordi det ligg uselde varer på lager.
I år har det snudd på nytt for Skogstad, og i rett retning, ifølgje årsmeldinga til selskapet:
"Det er store varelager i sportsbransjen generelt enno og presset på marginane er merkbare. Eller er der enno uro i marknaden på grunn av den usikre situasjonen i verden, auka kostnader generelt, og dermed mindre kjøpekraft hos forbrukarane. Skogstad har på tross av dette ein god ordreinngang i starten av 2025 og eit positivt resultat.", skriv selskapet i årsmeldinga.
Fire eigarar
Skogstad-konsernet har fire eigarar; far Anton Skogstad (10 prosent) og søskena Henning, Ann Kristin og Frank Skogstad, med 30 prosent eigarandel kvar.
| Skogstad Sport as (konsern) | ||
| Tal i mill. kroner | 2024 | 2023 |
| Driftsinntekt | 150,2 | 179,5 |
| Driftsresultat | -7,8 | 4,4 |
| Resultat før skatt | -8,8 | 0,4 |
Publisert: 09.05.2025 10:55
Sist oppdatert: 09.05.2025 10:55
