Tener på utsatt fiske

Ved inngangen til 4. kvartal i år hadde Lerøy Havfisk i Ålesund att 38 prosent av torskekvoten sin for 2021. Ved inngangen til 4. kvartal i fjor var 30 prosent att.

Utsett torskefiske har vore ein medveten taktikk frå Lerøy Havfisk, som er ein del av børsnoterte Lerøy Seafood Group. Konsernet driv med oppdrett, fiskeri, fiskeforedling, distribusjon og sal.

Les børsmelding her

Etterkvart som dei negative verknadane av den verdsomspennande koronaepidemien har blitt mindre har torskeprisen stige. Det kan Lerøy Havfisk med sine 10 trålarar profitere på no.

Tre prosent under
Koronaepidemine førte til at etterspørselen etter spesielt torsk i det viktige hotell-, restaurant- og cateringsmarkndaden krympa. Dermed fall prisen.

Hellet for blant andre Lerøy Havfisk var at reiarlaget allereie hadde fiske ein stor del av torskekvoten før epidemien kom i 2020. I år har reiarlaget flytta meir av torskefisket til slutten av året. Torsk er det viktigaste fiskeslaget for reiarlaget.

Gjennomsnittsprisen for torsk hittil i år er 17 prosent under gjennomsnittsprisen for 2020, ifølgje kvartalsrapporten til Lerøy Seafood Group. I tredje kvartal er prisen kome på same nivå. Gjennomsnittsprisen i tredje kvartal i år er berre tre prosent under nivået i tredje kvartal 2020.

Betre på land
Lerøy Havfisk er ein del av villfisk-segmentet i Lerøy Seafood Group. Segmentet omfattar også fiskeforedlingsselskapet Lerøy Norway Seafoods.

Lerøy Norway Seafoods driv 12 mottak og foredlingsanlegg i Norde-Noreg.

Konsernet skriv at ei "signifikant" betring i resultata frå fiskeforedling medverkar til resultatforbetringa i 3. kvartal (sjå tabell).