Havila Kystruten-aksjen stuper

Handelen med Havila Kyrstruten-aksjar vart sett på pause i dag tidleg, for å gi aksjemarknaden tid til å vurdere informasjonen om ein emisjon til kurs 1,10 kroner, som selskapet sende ut etter børsdagen var slutt i går.

No er handelen opna igjen, og klokka 10:12 er kursen 1,27 kroner aksjen, ned 74,90 prosent sidan sluttkurs i går, som var 5,06 kroner aksjen.

Artikkelen blir oppdatert

Retta emisjon
Kapitalutviding på omlag 760 millionar kroner som Havila Kystruten varsla etter at børsen hadde stengt i går er ein såkalla retta emisjon, der berre ei utvald gruppe større investorar får bli med.

Den største deltakarane i den retta emisjonen er Sævikfamiliens investeringsselskap, Havila Holding, som går inn med 40 millionar Euro, cirka 468 millionar kroner.

Den retta emisjonen var fullteikna rett etter midnatt, natt til i dag.

Les børsmelding her

Tilleggsemisjon
I dag varslar Havila Kystruten at selskapet tilbyr dei øvrige aksjonærane å vere med i ein tilleggsemisjon. I alt inntil 60 millionar nye aksjar skal utstedast, til 1,10 kroner aksjen. Det er same kurs som i den retta emisjonen.

Dersom aksjekursen fell under 1,10 kan tilleggsemisjonen avlysast.

Les børsmelding om tilleggsemisjonen her