Tine vil legge ned i Ørsta og Tresfjord

Tine Meierier skal investere 1,5 milliarder på ysteriet i Verdal og nesten 700 millioner på ysteriet i Byrkjelo, skriv det bondeeigde selskapet i ei melding.

Samstundes blir meierianlegga i Ørsta og Tresfjord lagt ned innan tre til sju år, ifølgje meldinga.

Også framtida til meieriet i Elnesvågen skal vurderast, ifølgje meldinga.

Artikkelen blir oppdatert

Overkapasitet
Tine Meierier grunngjev den planlagde nedlegginga med overkapasitet i kvitostproduksjonen. Den er på 30 prosent, ifølgje selskapet.

"Tine investerer tungt i framtidens hvitostproduksjon, fordi vi skal være et sterkt og konkurransedyktig merkevareselskap i årene som kommer. Dette viser også Tines vilje til å fortsatt satse på hjørnesteinsbedrifter og arbeidsplasser i distriktene. Samtidig må vi ta tøffe valg, og konsernstyret har vedtatt å legge ned anleggene i Ørsta og Tresfjord. Det er nødvendig for å styrke industriens effektivitet og sikre et bærekraftig næringsgrunnlag for 7700 melkebønder over hele landet - i møte med import og stadig større konkurranse i det norske meierimarkedet", seier styreleiar Marit Haugen i Tine i meldinga.

Meieriet i Ørsta sto på Tine-konsernet si kuttliste også i 2016. Då sto det mellom nedlegging der, eller i Hardanger. 

Over 60 blir råka
I følgje Tine sine nettsider har meieriet i Ørsta omlag 50 tilsette og meieriet i Tresfjord 16 tilsette.

Meieriet i Ørsta produserer mellom anna Edamerost, den kvite geitosten Kvitlin og fleire typar kvit smøreost. I Tresfjord blir det produsert Ridderost og Port Salut.