Toppår for "Kjellen"

Tidlegare bankfunksjonær Thomas Ryste satsa i 2010 på å leve på heiltid av "Kjellen" og dei andre figurane sine.
Underhaldningsverksemda blir drive gjennom selskapet Ryste Entertainment, som har organisert verksemda i tre-årssyklusar.
2017 var eit toppår i syklusen, der selskapet sat att med 1,5 millionar kroner i overskot før skatt av 5,7 millionar kroner i driftsinntekter.

Ikkje rekord

Sjølv om 2017 gjekk godt blei det ingen rekord. Den kom i 2014 då selskapet hadde 7,2 millionar kroner i driftsinntekter og fekk eit resultat før skatt på 2,5 millionar kroner.
Første år i syklusen skriv Ryste på eit nytt show, som har premiere på hausten. I år to - som er toppåret - har han mellom anna hatt show i Bergen, medan Kjellen & Co er meir på reisefot i år tre.
Konsekvensen er at det er i år to i syklusen som gir størst inntekter og ikkje minst overskot. Førre treårs-syklus gav til saman 15,5 millionar kroner i driftsinntekter og 2,8 millionar i overskot før skatt.
To år ut i noverande treårs-syklus er driftsinntektene 8,8 millionar kroner og resultatet før skatt 1,5 millionar kroner.