Koronakrise og lav oljepris har gjort at seismikkreiarselskapet Sanco Holding la tre av ni skip i opplag i førre månad.
Tidleg i året var marknaden på veg opp, men ikkje no lenger.
- Eg trur det blir ein utfordrande marknad resten av året og eg trur det vil fortsette inn i 2021, seier dagleg leiar og storaksjonær Ivar Slettevoll i Sanco Holding i Sande.

"Minst 100 millionar"

Sanco Holding har alltid gått i pluss. Det gjorde selskapet i fjor (sjå tabell), og trass skip i opplag i år blir overskotet før skatt "minst 100 millionar kroner" i 2020, seier Slettevoll.
Men likviditeten ved inngangen til 2020 var pressa, slik at selskapet inngjekk ein avtale med kreditorane om å ikkje betale avdrag i perioden mars-september i år.
Ved inngangen til 2020 hadde selskapet 140 millionar kroner i uteståande fordringar. Storparten av dei pengane er no betalt til selskapet, og storparten av avdraga som er utsett vil bli betalt innan avtalen om avdragsutsetting er omme. Resten satsar Slettevoll kreditorane er med på gjere om gjort om til eit likviditetslån.
- Eg har ein sterk forståelse for at vi får til ein avtale med dei, seier han om samtalane med långivarane.

Starta i 1996

Slettevoll starta selskapet saman med kona Bjørg og broren Bjarte Slettevoll i 1996. Til saman eig dei 66,7 prosent av selskapet.
Dagleg leiar og storaksjonær Hallvard Slettevoll i skipselektronikkselskapet Stadt og hans familie er tredje største eigar med 7,9 prosent av aksjane. Resten av aksjane er fordelt på åtte aksjonærar.