Tussa droppar utbyte

- Vi går no inn i ei tid der vi ikkje ser alle konsekvensane pandemien har på samfunnet og på Tussa.
- Selskapet sitt fundament for å sikre levering av naudsynte produkt må då prioriterast framføre å betale utbyte til eigarane, seier Elling Dybdal, konsernsjef i Tussa, i ei pressemelding.
Tussa vel dermed ei anna løysing enn Tafjord, der styret foreslår , medan styret i Sogn og Fjordane Energi foreslår med å vente med

Held utbytedøra på gløtt

Medan Ålesund kommune får 22,5 millionar i utbyte med Tafjord, og Fjord kommune får 1,8 millionar, må Tussa-eigarane truleg sjå langt etter ekstra kraftpengar i år.
Men det er ei opning, og det er om situasjonen betrar seg.
- Om dei usikre tilhøva vert avklara og konsernet sin økonomiske situasjon tillét det, vil styret kalle inn til ekstraordinær generalforsamling i 2020 for å handsame sak om tilleggsutbyte, blir det opplyst.
Største eigar i Tussa er Ørsta kommune, som eig selskapet saman med Volda, Ulstein, Herøy, Hareid og Vanylven. I tillegg er KLP inne på eigarsida.

Stor usikkerheit

I ei pressemelding frå Tussa blir det vist til at konsernet har høgare driftsresultat i 2019 enn i 2018, og alle forretningsområda leverer betre resultat.
Styret foreslår likevel å ikkje betale ut ordinært utbyte for 2019, som følgje av usikkerheit knytt til dei langsiktige konsekvensane av koronaviruset og kraftprisutviklinga.
Tussa hadde samla driftsinntekter på 1 134 millionar kroner og eit driftsresultat på 205 millionar kroner i 2019.
Resultat før skatt er 174,0 mill kroner, og etter skatt er resultatet 96 millionar.
Styret forventar eit svekka årsresultat i 2020 på grunn av dei økonomiske konsekvensane av koronapandemien med svingingar i rente- og valutamarknaden, kombinert med svært låge kraftprisar som følgje av ein våt og snørik vinter.