Ulstein Betongindustri klar for ny dokk

- Vi meiner det ligg potensiale i å tilby ei større dokk, seier økonomisjef Harald Sætre i Ulstein Betongindustri-konsernet.
Det familieeigde selskapet vil bygge ny dokk på på Kvalneset, nokre få kilometer vest for dagens hovudanlegg i Haddal på vegen mot Ulsteinvik.
Ny dokk vil mellom anna gjere det råd å bygge større fôrflåtar til oppdrettsnæringa og andre større betongkonstruksjonar som til dømes flyteelement i betong til flytebruer.

Ny fart

Etter at dokk-planane har ligge på vent nokre år gjer større engasjement frå Ulstein kommune at det no er blitt fart i planlegginga.
- Vi er klar, sier Sætre.
Han reknar likevel med at det vil i beste fall vil ta to-tre år før eit anlegg er på plass. Dokk-planane må først godkjennast på fylkesplan, og i tilegg kjem prosjektering og bygging.

Strykar konsernstaben

Ei omorganisering til konsern som starta i 2013 pågår framleis, og gjer at lønsemda ikkje blir like god i år som i fjor (sjå resultattabell).

- Vi har hatt behov for å styrke ein del funksjonar i konsernleiinga, seier Sætre.

Nok å gjere

Om lønsemda går litt ned er aktivteten i år minst like høg som ifjor.
Ei periode i vinter dabba det litt av i ein periode, spesielt for knuseverk og ferdigbetonglevering. Det heng mellom anna saman med at større lokale byggeprosjekt, som badelandet i Herøy og nye Høddvoll, vart ferdig tidlegare i år.
Men spesielt for leveransar til oppdrettsnæringa er ordreinngangen stor og ordreboka tjukk.
- Der ser vi langt inn i 2016, seier Sætre.

Står på seks bein

I tillegg til å produsere fôrflåtar for oppdrettsnæringa, ferdigbetong og drive knuseverk og lage ferdigbetong, entreprenørverksemd driv Ulstein Betongindustri kran- og transportservice og utbygging av bustadfelt i eige regi.
Konsernet har hatt så mykje å gjere dei siste åra at utbygging av bustadfelt i eigen regi har ligge litt på is, fordi resten av drifta har gått for full kapasitet.