Utselt for første cruise til Vestlandet

Det norskeigde reiarlaget Seadream Yacht Club startar sin første seglas på Vestlandet frå Bergen 20 juni. Det første cruise er allereie fullteikna, fortel salsdirektør Jannicke Rognstad til avisa .
Dette er første ordinære cruiseseglasen som er planlagd langs norskekysten etter at næringa har vore koronastengt sidan midten av mars.

Rimelege reiser for skandinavarar

Selskapet har sett opp seglasar med Seadream 1 frå Bergen 20. juni som skal gå via Olden, Geiranger og Ålesund – og Oslo.
Reiarlaget skal også segle ei rute nordover til Tromsø og salet har vore retta inn mot det skandinaviske marknaden.
Reiarlaget som er eigd av Atle Brynestad har ei periode hatt det eine av sine fartøy i opplag i Ålesund, og dei første turane er selt til sterkt rabatterte prisar, ifølge Budstikka.no.

Også Hurtigruten startar opp

Det var i år planlagt å kome 215 skip til Geiranger og 135 til Hellesylt, men så vart det bråstopp i midten av mars.
No ventar hamnesjef Rita Berstad Maraak i Stranda hamnevesen spent på om det snart kjem fleire bestillingar. I år er også er terminalane deira midlertidig opna for fritidsbåtar.
– Cruisereiarlaga er klare til å starte opp igjen så fort dei internasjonale grensene opnar og norske styresmakter legg til rette for det, seier Maraak til NETT NO.
I tillegg til SeaDram har ikkje Stranda hamnevesen andre bestillingar per måndag, enn Hurtigruten sine skip. Dei startar opp att 16. juni. Den første avgangen med MS Finnmarken går frå Bergen og skipet følget sine opphavlege seglingsplanar på kystruta mellom Bergen og Kirkenes.

Les også:

Arne Sandnes om Havyard-konsept:

(ekstern lenke)