Valutakursen skjermar sjømatnæringa

I eit innlegg i NETT NO skriv Egeness at første del av koronakrisa "har gitt en dramatisk kronesvekkelse. Det gir i utgangspunktet et sterkt vern for norsk fiskerinæring."

Kort sagt får fiskeeksportørane no meir betalt for fisken, i norske kroner. Det skjermar mot eit prisfall ute.
Førebels er ringverknadane av koronaepidemien små og transporten ut i marknaden har halde seg oppe.
- Kjøpekrafta til forbrukarane er ikkje vesentleg svekka, seier Egeness til NETT NO.

Restaurantnedtur

Så langt er det først og fremst berre selgarane av fisk- og fiskeprodukt som er retta spesielt mot restaurantmarknaden som har merka at kundane sviktar.
På kort sikt er det evna til å få fisken ut i marknaden og foredlingskapasitet som blir viktigast for sjømatnæringa, men blir restriksjonane mot og ringverknadane av tiltaka mot epidemien trur Egeness at det kan slå ut i marknaden generelt:
"Et sentralt spørsmål er når den humanitære og finansielle krisen vil redusere kjøpekraften til forbruker og påvirker etterspørselen etter varer og tjenester negativt," skriv han i innlegget.

Sju milliardar

I fjor haust anslo Egeness at dei samlede fangstinntektene frå torskefiskeria vil blir rundt sju milliardar kroner i år.
Det er på line med inntektene i perioden 2017-2019 og langt over det historiske snittet. Fordi torsken er den økonomisk viktigaste arten for norske farty vil det sikre høge fangstinntekter også i 2020, etter Egeness si vurdering.