Havila Kystruten driv fire passasjer- og godsfrakteskip i rute mellom Bergen og Kirkenes, i samsegling med konkurrenten Hurtigruten sine fartøy på den same strekninga.
Andre kvartal enda med positivt driftsresultat for Havila Kystruten og ein inntektsvekst på knappe 13 prosent samanlikna med 2. kvartal i 2024 (sjå tabell).
Selskapet trur på vidare vekst og auka lønsemd.
Per i dag er 66 prosent av kapasiteten for 2025 bestilt, skriv selskapet i kvartalsrapporten for 2. kvartal. For tredje kvartal er belegget vore på 80 prosent - med ein månad att av kvartalet. Balansen mellom reisande på nordgåande og sørgåande reise betrar seg. Det gjer at det er lettare å få seld fleire reiser like før folk skal reise. Det er reiser som blir seld til høgare prisar enn reiser som blir kjøpt lang tid før avreise.
For 2026 er 28 prosent av kapasiteten seld, til "signifikant høgare" prisar enn i fjor, ifølgje kvartalsrapporten. Ei refinansiering av gjelda i sommar og ny drivstoffavtale skal begge redusere kostnadane framover.
Havila Kystruten er børsnotert, med Havila Holding (59,69 prosent) som største eigar.
| Havila Kystruten as | ||
| 1. halvår. I i mill. kroner | 2025 | 2024 |
| Driftsinntekt | 766,1 | 662,2 |
| Driftsresultat | -20,4 | -61,5 |
| Resultat før skatt | -388,3 | -457,8 |
| Havila Kystruten as | ||
| 2. kvartal. I mill. kroner | 2025 | 2024 |
| Driftsinntekt | 416,1 | 369,3 |
| Driftsresultat | 23,4 | -3,9 |
| Resultat før skatt | -272,2 | -95,6 |
Havila Holding er medeigar i Bakkar og Berg Media, som gir ut Nett No.
Publisert: 28.08.2025 09:22
Sist oppdatert: 28.08.2025 09:22
