Ventetid på Flø Feriesenter

I vinter skreiv NETT NO om at Flø Feriesenter kunne få inn ein ny og lokal investor inn på eigarsida, og at det var planer om å bygge fleire hytter.
Det alternativet ligg framleis på bordet, men førebels er planane ikkje sett ut i livet, i følgje dagleg leiar Eldar Stein Flø i Flø feriesenter.

Mellom anna er det ikkje avklara ein ny bygslingsavtale for grunnen, men først og fremst manglar det ei avklaring om hamna på Flø - som mellom andre blir brukt av gjestane på Flø Feriesenter.
Hamna er ei av dei som Kystverket skal selje. Prisen er rundt 900.000 kroner, i følgje Flø.
Flø seier feriesenteret vurdere å kjøpe hamna, men ikkje åleine. Ved eit eventuelt kjøp ønskjer selskapet at det skjer saman med mellom andre grendelaget og kommunen.
Etter Flø si vurdering kan eit kjøp medføre eit investeringsbehov, for å gjere hamna brukande til heilårsbruk.