Tysdag vart det klart at det framleis skal lagast fiskemat ved fabrikken som har røter tilbake til 1950-talet.
Ikkje rart Sande-ordførar Dag Vaagen gjerne vart med på ein tur til Gjerdsvika for å snakke med dei tilsette ved Maritim Food-avdelinga.
– Fantastiske nyhende, meiner Vaagen og er optimistisk med tanke på framtida, sjølv om dei er avhengige av å auke produksjonen framover.
– Det er ei stor glede og lette, og vi konstaterer at selskapet har sett eit potensiale her. Dei har også uttrykt at dei har ein fantastisk stab som har vist spesielle kvalitetar gjennom denne omstillingsprosessen, seier Vaagen.

Undervegs har ordføraren hatt kontakt med både Maritim Food-leiinga i Fredrikstad og eigarselskapet Insula, og .
Han meiner prosessen har vore god, ope og ryddig.
– Eg er også nøgd med at dei har brukt tid, noko eg trur har bidrege til at dei ønskjer å bli her og bygge opp at produksjonen, seier ordføraren.

Motivert for framtida

Målfrid Levik er tillitsvald for dei tilsette i Norsk Nærings- og Nytelsesmiddelarbeiderforbund ved bedrifta.
– Vi er nøgd, glade og letta, seier ho til NETT NO.
Ho fortel at dei attverande tilsette er motivert til å stå på for å lukkast. Tidlegare på dagen , men at dei no ville jakte nye oppdrag.
– Det blir kjekt å jobbe med å bygge opp att bedrifta, og få meir produksjon og kanskje fleire tilsette, seier Levik.

80 burgarar om gongen

I fabrikklokala er det fleire linjer for automatisert produksjon av fiskemat. På ei side av produksjonshallen steikast det kring 80 fiskeburgarar om gongen, som går vidare på band for avkjøling – og manuell pakking. Denne produksjonen vil forsvinne i august.

Frå hausten har dei i utgangspunktet berre Men leiinga vil sjå på moglegheiter for eksport og anna.
– Vi håpar at vi klarer knytte til oss nye kundar, seier Levik og legg til at dei gjerne vil ha inn nye oppdrag med ferdigmat som fiskekarbonadar og liknande.

Mange utan jobb over sommaren

Trass letta over at det ikkje er kroken på døra frå årsskiftet, er det sjølvsagt blanda kjensler når fleirtalet av dei tilsette ikkje har ein jobb å gå til over sommaren. Til saman har bedrifta hatt 30 heiltidstilsette og kring ti personar som på tilkalling eller deltid.
Frå hausten vil det berre vere ni tilsette att.
– Dei som har slutta til no er stort sett dei som har vore på tilkalling og hatt tidsavgrensa avtaler. Nokre av dei har allereie fått jobb andre plassar. Dei to faste kokkane våre har også fått jobb andre stader, fortel Levik.
Kring 20 av dei tilsette er no i oppseiingsperiode og i august er det planlagt felles informasjonsmøte med Nav.
Analyse: