– Vi har is i magen

I februar kunne sparebanken fortelje om . Sidan har pandemiakrisa treft økonomien med full kraft. Fredag morgon fortel Sparebank 1 SMN om auka tap på utlån, kursfall på verdipapir og underskott i Sparebank 1 Gruppen i første kvartal.
(sjå tabell til høgre – under om du les på mobil)
Tap på utlån enda på 308 millionar, mot 67 millionar i første kvartal i fjor. 84 prosent av tapa gjeld utlån i kvartalet gjeld utlån til kundar i næringslivet.
Banken påpeiker likevel er kjerneverksemda sett vekk frå utlån, hadde ei god inntektsutvikling og moderat vekst i kostnadene. Konsernsjef Jan-Frode Jansen seier banken er solid og likvid og difor godt rusta til å hjelpe kundane.
Utlån til personkundar i kvartalet auka med 7,6 prosent og med 2,7 prosent til næringslivskundar.

Avdragsfriheit og nytt rentekutt

Meir enn 5000 kundar har sidan koronakrisa slo til, fått innvilga avdragsfriheit i opptil seks månader. Kundar er også tilført nødvendig likviditet og motteke forskott på dagpengar i påvente av saksbehandling i NAV.
– Vi har is i magen, og bidreg til at levedyktige bedrifter kjem seg gjennom krisa, og at folk får kvardagsøkonomien til å gå rundt, uttaler Jansen i .
Fredag morgon meldte banken også at dei sett ned renta på bustadlån med inntil 0,4 prosent frå 25. mai.

Fleire søknader frå lag og organisasjonar

Dei økonomiske nedgangstidene merkast også ved ei auke på 50 prosent i søknader til samfunnsutbytte. Banken har sett av 100 millionar kroner frå overskottet i fjor til frivillige lag og organisasjonar. Dei har motteke over 1700 søknader så langt i år.
Banken er dels eigd av eigenkapitalbeviseigarar og delvis sjølveigd. Med enda økonomiske utsikter er det bestemt at utbytte per egenkapitalbevis er sett ned til 5 kroner, frå 6,5 kroner i fjor.

Lag eksponering mot kriseråka bransjar

Allereie før koronakrisa slo til, var oljeprisen på veg ned og forsterka dei økonomiske utfordringane for mange. Sparebank 1 SMN har likevel lav eksponering mot bransjar som er direkte råka av oljeprisfallet.
Banken opplyser at berre fem prosent av eksponeringa er mot bransjer som er svært utsett for olje- og koronakrisa - som olje, offshore, varehandel, hotell og tjenesteytande næring.