Volstad forlengjer avtale

Etter å ha vore utleigd til Helix Robotics Solutions sidan skipet var nybygd skulle avtalen avsluttast i april i år. No er den forlenga ut året, skriv Volstad Maritime i Ålesund i ei melding.

Den siste tida har konstruksjonsfartøyet hatt oppdrag i Asia/Stillehavet, mellom anna ved bygging av vindkraftanlegg til havs ved Taiwan og eit tidevatnkraftverk ved Japan.

Skipet er eitt av tre søsterskip, og blei levert frå Myklebust Verft i 2015.

Halvparten frå fornybar
Omlag halvparten av inntektene til reiarlaget kjem no frå utleige til prosjekt i fornybarmarknaden seier finansdirektør Eirik Syversen.

Selskapet har tre seismikkskip i opplag , ellers er alle i arbeid.

Grand Canyon har oppdrag i Mexico og har kontrakt til midten av 2022. Grand Canyon III arbeider i Nordsjøen og er på kontrakt med Helix Robotics Solutions til midten av 2023.

Volantis går på kortare oppdrag i Mexico, Deep Cygnus arbeider i spotmarknaden på britiske vindkraftanlegg og dykkerfartøyer Boka Topas arbeider ut frå Aberdeen og har kontrakt ut 2022.