Åtvarar mot at reisereglar kan velte store prosjekt

Måndag avgjorde Ulstein kommune kva dei skulle gjere i høve karantenereglar. Men først hadde kommuneleiinga eit møte med bedrifter i næringslivet, som sa klart frå at dei ikkje ønska karantene for folk frå andre fylke.
Etter nokre timar var ordførar Knut Erik Engh klar med avgjerda: – Vi vil ikkje innføre lokale karantenereglar og meiner det ikkje er nødvendig, seier han til NETT NO.
Fylkesmannen i Møre og Romsdal har bedt om felles reglar frå alle kommunane i fylket. Ulstein-ordføraren fortel at dei er trygge på at dei lokale legevakttenestene er godt rusta til å takle situasjonen.
– Det viktigaste er at dei nasjonale retningslinjene blir følgt. Men vi ser at det er behov for meir samordning mellom kommunane. No har vi iallefall fått same ordning hos oss, i Volda, Ørsta og Vanylven, seier Engh.

Kjem truleg sentral avklaring

Jan Thormodsæter frå Maritim Foreining for søre Sunnmøre var mellom møtedeltakarane då Ulstein kommune bad bedrifta frå lokalmiljøet om innspel i samband med koronakrisa.
– Ulstein kommune skal ha honnør for at dei gjer dette. Vi opplever at fleire kommunar har teke slike avgjersler utan å snakke med hjørnesteinsbedriftene sine om kva konsekvensar det får for dei, seier Mafoss-leiaren oppgitt.
Karantenereglane gjer at fleire bedrifter har problem med å halde produksjonen i gong, eller få skifta ut arbeidslag i rotasjonsordninger. Det er venta at regjeringa eller sentrale styresmakter, tysdag kjem med ei presisering av kva for reglar som skal gjelde.

Samd med Norsk Industri

Dei fleste kommunar i Møre og Romsdal har følgt oppmodinga frå om 14-dagars karantene fylka Oslo, Vestfold og Telemark, Viken, Innlandet, Agder, Rogaland og Vestland.
Thormodsæter i Mafoss er samd med Norsk Industri-topp Stein Lier-Hansen sitt utspel i VG i helga. Han viste til vedtaket frå fylkesmannen i Møre og Romsdal og meinte det var «håplaust» for industrien med arbeidstakarar som pendlar, og ikkje kjem seg på jobb.
– Vi må sikre at det er bedrifter att når dette er over også. Ansvaret om store prosjekt blir utsett, er for stort for leiingane i dei enkelte kommunane, meiner Thormodsæter.

Har strenge smitteverntiltak

Han understrekar at bedriftene tek smitteverntiltaka på alvor, og at mange har innført tiltak allereie frå årsskiftet.
– Bedriftene har alle tiltak som ligg langt over minimumskrava på alt dette med reingjering, og dei har delt inn produksjonen i celler som sikrar dei mot smitte internt, fortel han.
Det er mogleg å søke om dispensasjon frå reglane, men Thormodsæter fortel at medlemsbedrifter har opplevd at det går tregt å få svar.
– Ein kan til dømes ikkje vente tre dagar på svar, om nokon har teke helg. Svaret bør vere på plass innan få timar, seier han.

Ulike reglar

Mellom anna , , , har same reglar. Alle innbyggarar som har vore i fylka Oslo, Agder, Rogaland, Viken, Vestfold og Telemark, Innlandet og Vestland - må i karantene i 14 dagar.
I har det gjort unntak for gamle Sogn og Fjordane, men krev karantene for dei som har vore i Oslo, Agder, Rogaland, Viken, Vestfold og Telemark, Innlandet og dei geografiske områda som svarar til tidlegare Hordaland fylke og tidlegare Sør-Trøndelag fylke.