Kommunikasjonen svikta under smitteutbrot

Ein rapport frå Folkehelseinstituttet (FHI) etter det store koronautbrotet på verftet i Hyllestad peikar på kommunikasjonssvikt og uavklart ansvarsfordeling.
Forfattarane skriv at små kommunar med større verksemder kor dei nyttar gjestearbeidarar er spesielt utsette.
Det Havyard-eigde verftet blei i slutten av september åstaden for eit utbrot der 94 personar blei registrert ved Covid-19-smitte.

Vanskeleg å nå fram med informasjon

Rapporten viser mellom anna at kommunikasjonen til dei mange framandspråklege arbeidarane svikta.
– Det viste seg ved vanskar med å få brakt vidare informasjon til arbeidarane om årsak for testing, behov for karantene og isolasjon, kor lange desse var og kor viktig det var å overhalde dei, heiter det i rapporten.
Det var også uavklart ansvarsfordeling om oppfølgingsansvar for dei tilsette på verftet, i tillegg til at enkelte ikkje innsåg alvoret i situasjonen og difor ikkje fylgde smitteverntiltaka.

Hyra inn polsktalande helsearbeidarar

Situasjonen blei meir komplisert ved at det var mange aktørar involverte, både av leverandørar og underleverandørar ved verftet i Leirvik.
Halvanna veke ut i utbrotet rekrutterte kommuneoverlegen to polsktalande helsearbeidarar for å betra kommunikasjonen mellom helsetenesta og gjestearbeidarane.
Rapporten viser vidare manglar på ein systematisk oversikt over tilfelle og nærkontaktar under smitteutbrotet.

Les meir:

Smitteutbrot ved Fiskerstrand:

(lenke til pdf)