ANALYSE

Nokre år fram i tid vil avgjerda som investorane med Leif Arne Langøy og Kaj Bang Westre i spissen, tok hausten 2015 truleg stå fram som ei av dei viktigaste investeringsbeslutningane som blei gjort under offshorekrisa på Nordvestlandet.Oljeprisen var halvert frå sommaren 2014 til januar 2015. Etter ein liten oppgang fram mot våren fall prisen vidare. Det var usikre tider. Sett utanfrå var det langt frå sjølvsagt at det skulle bli gitt klarsignal for andre byggesteg på NMK-bygget (Norsk Maritimt Kompetansesenter) hausten 2015.Men det blei det, ei investering på 400 millionar kroner i ei ny fløy. Førstkomande onsdag er det offisiell opning, med ope hus frå ettermiddagen og utover kvelden.Mellom gjestane er toppleiinga i det internasjonale satelittkommunikasjonsselskapet Inmarsat, som i 2015 bestemte seg for å legge sitt hovudkontor for Nord-Europa til Ålesund. Ein viktig grunn var sjansen til å få plass på NMK, med Rolls-Royce Marine som nabo i bygget og NTNU som nabo rett over vegen.- For oss er det viktig å være ein del av dette miljøet som er ei sjeldan blanding av innovasjon og kunnskap, sa konserndirektør Ronald Spithout til for snart to og eit halvt år sidan.Inmarsat tek ein heil etasje i den nye fløya. Fløya utvidar NMK-bygningane med 15.000 nye kvadratmeter, til cirka 40.000 kvadratmeter, fordelt på tre blokker med mellom anna felles kantine for alle bygga.Satelittkommunikasjon er sentralt i Rolls-Royce Marine si satsing på sjølvgåande og førarlause skip, så dermed er den nye NMK-fløyen med på å gi Rolls-Royce-leiinga ein god grunn til å halde på Noregsatsinga, i staden for å satse berre i Finland.Berre dét er nok til å konkludere med at avgjerda om å bygge den nye fløyen har positive ringverknadar for heile Nordvestlandet.Storparten av den nye fløyen er alt tatt i bruk og har hatt sine markeringar.I underetasjen skal NTNU, Fagskolen og videregåande skule dele på NTNUs nye lab for hybridmotorer.Nautikk-studentane hos NTNU har også fått sin eigen etasje, der det også er eigne kontor til doktorgradsstudentane.I september opna også Åkp Blue Innovation Arena, som deler ein etasje med Sintef Ocean i den nye fløyen. Blue Innovation Arena er eit senter for utvikling og bruk av virtuelle prototypar, der du til dømes kan konstruere, bygge, segle og teste skip og skipsutstyr utan å ha laga eit einaste fysisk produkt. Poenget er å kome raskare og billegare fram til nye produkt, og rette opp feil før det blir bygging.På opningsdagen får gjestane sjå det nye Newton-senteret og, eit lokale bygd og utstyrt for å vekke realfagsinteressa langt ned i barneskulen. Newton-senteret skal mellom anna brukast til realfagundervisningsopplegg frå tredje klasse i barneskulen og til og med vidaregåande.NMK styrkjer Nordvestlandet; som undervisning-, utvikling- og forskingssenter og er ein møteplass for bedrifter med verksemd i heile regionen. Den nye fløya styrka miljøet som alt er etablert på NMK og knyter NMK og NTNU-miljøa tettare saman.Det tener alle på.Vedtaket om byggestart kom også på eit psykologisk viktig tidspunkt. Det kom midt i ei krise for offshorereiarane - ei krise som vaks seg større og meir trugande for kvar dag. I fleire år hadde dei vore den viktigaste drivkrafta i økonomien på Nordvestlandet, med byggeoppdrag i fleng til verft og utstyrsleverandørar.Byggevedtaket varsla at både investorane bak bygget, og leigetakarane som ville inn, såg ei framtid på Nordvestlandet, uavhengig av krisa for offshorereiarane.Kva det hadde å bety er lettast å forstå dersom vi tenkjer på kva som kunne skjedd om byggeplanane hadde blitt lagt på is. Inmarsat hadde kanskje lagt hovudkontoret for Nord-Europa eit anna land

.

Rolls-Royce ville kanskje nedskalert satsinga i Ålesund. NTNU, Fagskulen og vidaregåande skular hadde fått eit dårlegare tilbod.Det ville skapt pessimisme. I staden fekk vi optimisme.