ANALYSE- Det er eit under hvis vi er meir enn 5000 om ti år. Og vi er heldige om vi er meir enn 5000 om fem år, sa DNB-sjef Rune Bjerke i eit foredrag om styring i staten denne veka.Bjerke er sjef for ein bank med 10.900 tilsette, så det han spår er meir enn ei halvering av arbeidsstokken, og det relativt kjapt.Dagens Næringsliv, som dekte konferansen, skriv at DNB på fem år har gått frå 14.000 til 10.900 tilsette. Slike kutt er det ikkje slutt på, om Bjerke får rett.Finansieringa av eit lite oppussingsprosjekt eg er i gang med, fall på plass denne veka. Det var kjapt gjort. Sidan det var snakk om ei lite beløp var det uansett ei enkel vurdering.Men det er ikkje poenget. Poenget er måten lånet blei ordna på.Første gong eg lånte det som den gang var alvorleg mykje pengar og kjøpte husvere, tok eg ein telefon og så ordna banken resten. Greit for meg, og etterkvart kom både tilsagn og dei nødvendige papir. Men det tok dagar og veker før alt var på plass, og for dei banktilsette var det ein god del papirarbeid som måtte gjerast.No brukte eg tre-fire minutt i nettbanken, la inn sjølmelding og lønsslipp (elektronisk). Panteobjektet hadde banken data på frå før, så det låg klart i det eg logga meg på og kryssa av for lån. Etter fem minutt kom stadfestinga av at lånesøknaden var mottatt og etter tre-fire timar var alt klart, og tommelen opp. Datamaskinene gjer no mykje av jobben folk i banken gjorde første gang eg lånte pengar. Kjappare gjekk det og.Bjerke brukte banken sitt kundesenter som døme på kva som skjer i banknæringa. Ein aukande del av kommunikasjonen skjer via chatting - at kundar og saksbehandlarar skriv meldingar til kvarandre - i staden for å snakke i telefonen. Saksbehandlaren rekk å svare tre gongar så mange via nettprat som via ein telefonsamtale, og kan vere i kontakt med fleire samtidig. Sparebanken Møre reduserte staben med ti, til 378, i fjor. Det er ikkje like stor reduksjon som DNB har hatt eller ser for seg, men det går same vegen.Bankane, som til dømes Sparebank 1 Søre Sunnmøre, arbeider for å overlate enda meir av bankarbeidet til maskiner, og automatiseringa er på full fart inn i det som gjerne blir kalla kvitsnipp-yrke.Folk med utdanning som gjorde at dei trudde seg trygge mot konkurransen frå robotar vil i aukande grad oppleve av maskinene tek over, skriv Martin Ford i boka "Rise of the Robots", ein litt dyster spådom om korleis digitaliseringa vil gripe inn i arbeidsmarknaden.Alt arbeid som kan strukturerast etter eit mønster vil i aukande grad bli gjort av maskiner, som for kvitsnipp-arbeidaren sitt vedkomande betyr eit dataprogram.I industrien har folk levd med robotane sin inntogsmarsj i årevis, og banktilsette har sett korleis datasystem reduserer behovet for bemanning. Men får Rune Bjerke rett har bankane framleis ei kraftig nedbemanning i vente.Datamaskinene kan ta over jobbar vi for få år sidan trudde var uråd å erstatte med maskiner. Men faktum er at .Og i advokatbransjen skreiv konsulent-, revisjon- og advokatselskapet Deloitte alt i 2013 i bloggen sin at store delar av advokatjobbinga er så rutineprega at maskinene like gjerne kunne ta over - og ville gjere det.Rutineprega jobber er det mange som ikkje likar. Men det er jobbar det og, og dei gir i alle fall løn.