Meiner budsjettet er slapt og lite framtidsretta

– Dette budsjettet er ei vidareføring, og gjer lite for å få i gang den omstillinga som alle er einige i at Norge treng, seier Lene Trude Solheim.

Regiondirektøren i NHO Møre og Romsdal meiner regjeringa sitt budsjettforslag representerar meir av det same, og har lite nytt å kome med for å stimulerer til innovasjon og omstilling for framtida.

Les også: Alt om statsbudsjettet 

Norge ikkje i tet
– Eg synes vel i det heile at dette er lite ambisiøst, oppsummerer Solheim.

Ho skulle gjerne sett at regjeringa hadde kome med meir handfaste grep for å stimulere den norske verdiskapinga inn i framtida.

– Vi veit at den norske økonomien vil få eit stort behov for å omstille seg, og vi må finne nye næringar å lene seg på i framtida. Då må vi ha fleire start-ups, meir innovasjon, fleire i jobb og meir samarbeid, seier Solheim.

- Samstundes viser både Draghi-rapporten, OECD-statistikk og Perspektivmeldinga at Norge ligg langt bak våre nordiske naboar i talet på nystarta bedrifter og nye patentsøknadar. 

Meiner det brukast for mykje oljepengar
NHO er positive til at Arbeiderpartiet ikkje kjem med fleire store overraskingar for næringsliv og private eigarar denne gangen, som til dømes skatteauke eller innstramming av reglane for innleigd arbeidskraft.  

Auken i botnfrådraget på formueskatt, fleire studieplassar på fagskulane og meir midlar til å få folk ut i arbeid er også forslag som blir også tatt godt imot. 

– For tida finansierar vi for mykje av drifta av Norge med sparepengar frå oljefondet, seier Solheim.

– Dersom vi skal klare å slutte med det så treng vi fleire start-ups, meir investeringskapital, sterkare samarbeid og ein klarare strategi for vekst. Særleg med fokus på digitalisering og ny teknologi der 70 prosent av veksten er venta å kome. 

Les også: Alt om statsbudsjettet 

Heller stabil enn gratis
Solheim er meir nøgd med nokon av dei andre prioriteringane i budsjettforslaget. 

– Det er veldig bra at ein vil finansiere nokon heilt nødvendige enkeltprosjekt, som til dømes Veibustkrysset, seier  Solheim.

– Når det gjeld gratisferger, så har den ordninga vist seg å ha nokon problem, som underfinansiering og overfylte fergesamband. Vi trur det er betre å ha stabil drift med fornuftige prisar.