868.626 nordmenn har fått tredje dose

868.626 personar er vaksinerte med tredje dose av koronavaksine i Noreg, viser FHIs statistikk torsdag. 4.253.000 personar har fått første dose og 3.867.978 har fått andre.

16,1 prosent av befolkninga over 18 år har dermed fått tredje dose, medan høvesvis 78,9 og 71,7 prosent av befolkninga har fått dose ein og to.

For befolkninga over 18 år for dose ein og to er delen høvesvis 92 og 88,2 prosent.

Førebels blir dose tre ikkje gitt til ungdom under 18 år. Blant alderen 16-17 har 93,7 prosent fått første dose, og 70,9 prosent har fått andre dose.

I alderen 12-15 er delen høvesvis 75,5 og 1,9 prosent.

Førebels har FHI registrert at 2.365 personar fekk første dose onsdag, og 5.256 personar fekk andre dose.

Dei som har gitt første dose til størst del av befolkninga over 18 år, er Trøndelag (93,3 prosent) og Innlandet (92,7 prosent). Lågast del er i Rogaland (90,2 prosent) og Troms og Finnmark (90,3 prosent). For andre dose ligg fylka Trøndelag (90,7 prosent) og Innlandet (89,8 prosent) best an, og for tredje dose ligg Innlandet (19,5 prosent) og Vestfold og Telemark (19,5 prosent) best an.

Noreg starta koronavaksinasjonen 27. desember 2020. Vaksinane til Pfizer og Moderna blir i dag nytta, men ein kan òg søkje om å få Janssen-vaksinen. Noreg valde å stanse all bruk av AstraZeneca-vaksinen i mars.

Det kan vere forseinkingar i registrering av vaksinasjon som fører til at tala endrar seg over tid.