Aksjestopp i Finansdepartementet

(NPK-NTB): Alle tilsette i Finansdepartementet, frå statsråden og nedover, har fått mellombels totalt forbod mot kjøp og sal av aksjar, skriv VG.

Forbodet mot handel med obligasjonar og aksjar gjeld fram til etter at finansminister Trygve Slagsvold Vedum (Sp) har lagt fram statsbudsjettet 6. oktober, skriv VG.

– I dei nye reviderte retningslinjene til departementet er det fastsett eit årleg handleforbod frå 1. august, og fram til statsbudsjettet blir offentleg ved framlegginga i Stortinget, opplyser kommunikasjonssjef Tor Borgersen i Finansdepartementet til VG.

Årsaka til forbodet er at det i statsbudsjettet kan vere forslag som kan påverke både børskursen til enkelte selskap og norsk økonomi generelt. Foto: Lise Åserud / NTB

(©NPK)