Attraktivt stempel for Stordal-is

NPK: Brunost-iskremen frå verksemda Storfjord Iskrem i Stordal på Sunnmøre kan smykke seg med Spesialitetsmerket for lokalmat i særklasse frå Stiftinga Norsk Mat.

Brunost-iskremen er laga på G35 og er basert på geitemjølk frå Storfjord-området.

– Eg har vakse opp med brunost med syltetøy og er oppteken av å bevare tradisjonar. Storfjord Iskrem tilbyr norske tradisjonar i frosen form med ein moderne vri, seier gründer Silje Lee Knutsen i ei pressemelding.

Spesialitet er eit offisielt informasjonsmerke som blir tildelt den beste lokalmat- og drikke. Merket skal løfte fram produkt med særlege kvalitetar og gjere dei enkelt å finne i butikken.