Betalingsfrist for skattar og avgifter utsett

(NPK-NTB): Regjeringa utset betalingsfristen for skatt med tre månader til 31. oktober og doblar nedbetalingstida til eitt år, melder E24.

Endringa vil komme i revidert nasjonalbudsjett som blir lagt fram i mai, opplyser Finansdepartementet til E24 fredag. Det blir samtidig ingen endringar på forseinkingsrenta.

Bedrifter skulle eigentleg betale 20. juli og får dermed nokre månaders utsett frist. Finansdepartementet håpar at det hjelper bedrifter med ein mjukare overgang frå krise til gjenopning og auka aktivitet, seier dei. Dei har tidlegare fått kritikk frå mellom anna NHO og Virke om for kort nedbetalingstid.

Norske bedrifter skuldar staten fem milliardar i utsette skattar og avgifter, ifølgje E24.