Blir toppsjef i Maritimt Forum

Fride Solbakken er ny dagleg leiar i Maritimt Forum. Det opplyser bransjeorganisasjonen i ei melding på sine heimesider. 

Ifølgje lokalavisa Vikebladet Vestposten kjem Solbakken frå Ulsteinvik, men er busett i Stavanger. Ho kjem frå jobben som dagleg leiar i Maritimt Forum for Stavangerregionen, men blei konstituert i leiarstillinga i haust.

Solbakken har óg vore profilert som Arbeidarparti-politikar og har vore rådgjevar og statssekretær for fleire statsrådar under Stoltenberg II-regjeringa. 

Vi er veldig glade for at Fride Solbakken har takket ja til jobben som daglig leder i Maritimt Forum. Gjennom høsten har hun vist at hun har stor arbeidskapasitet og gjennomføringsevne. Hun kjenner den maritime klyngen svært godt og har bred politisk erfaring, uttaler styreleiar Even Aas i Maritimt Forum i meldinga.