Bustadsalet stuper

Ikkje sidan 2013 har salet av nye bustader vore så lågt som no, ifølgje ein rapport. Nedgangen er kraftig frå same periode i fjor.

I rapporten Econ Nye Boliger kjem det fram at det sidan midten av august i år er seld 1.801 nye bustader, skriv Dagens Næringsliv.

Det er 5 prosent lågare enn førre periode på to månader – og 48 prosent ned frå same periode i fjor.

– Du har renteaukane som svekkjer betalingsevna til kjøparane, i tillegg til inflasjon, svakare konjunkturutsikter og fallande bustadprisar, seier sjeføkonom Andreas Benedictow i Samfunnsøkonomisk analyse.