Byggefirma konkurs etter skattekrav

Møre og Romsdal tingrett har opna konkurs i selskapet Tad Bygg etter krav frå skatteetaten. 

Ålesund-firmaet skulda knappe 800.000 kroner for manglande betaling av moms, arbeidsgivaravgift, renter og avgifter, ifølgje rettspapira. Tingretten fekk opplyst at den samla gjelda var på kring 1,1 millionar. 

Firmaet som hadde to tilsette på konkurstidspunktet, omsette for fire millionar i 2023. Året enda med underskot og eigenkapitalen var tapt allereie ved utløpet av fjoråret. 

Bustyrar i saka er Kristin Devold og første skiftesamling er planlagt 6. januar.