Byggefirma melder oppbod

Møre og Romsdal tingrett opna onsdag konkurs i Byggpartner Møre på Valderøya.

Ifølgje rettspapira har selskapet ei gjeld på kring ein halv million og verdiar for kring 30.000 kroner. 

Verksemda er innstilt og hadde ingen tilsette på konkurstidspunktet. 

Byggpartner Møre blei starta i 2022, og omsette for 3,4 millionar i første heile driftsår i 2023. Eigenkapitalen var tapt ved utløpet av same året. 

I årsmeldinga frå 2023 står det at selskapet har god ordretilgang frå 2025, og at marknaden har teke seg opp. 

Bustyrar i saka er Cathrin Myre Skram og første skiftesamling er planlagt 19. mai.